"Хангыл үсгийн баяр - 2026"

Хангыл үсгийн баяр дээр “Эхлэл” таеквондо клубын тамирчид хүрэлцэн ирж эрч хүчтэй, сонирхолтой үзүүлбэрийг үзүүллээ. Мөн Улаанбаатар 2 Сэжун Институтийн 3А ангийн суралцагчид өөрсдийн бэлтгэсэн бүжгийн үзүүлбэрийг үзүүлсэн юм.

Арга хэмжээний үеэр солонгос хэл, соёлын мэдлэгээ сорих сонирхолтой тоглоомуудаас гадна Солонгосын уламжлалт тоглоом, наадгай, хурд хүч, авхаалж самбаа шаардсан багийн тэмцээнүүд зохион байгуулагдаж, суралцагчид маань идэвхтэй оролцон нэг өдрийг инээд хөөрөөр дүүрэн өнгөрүүлэв.

Амжилттай оролцсон эхний гурван багийн гишүүдийг урамшуулсан юм.

Багш, суралцагчдын дунд азын сугалаа явуулж, олон азтан бэлгийн эзэд болсон бол онлайн эвентийн ялагчид ч энэ өдөр шагналаа гардан авлаа.

Хангыл үсгийн баярыг хамтдаа хөгжилтэй, мартагдашгүй дурсамж бүтээсэн нийт багш, суралцагчдадаа баярлалаа.